Mai 16
Herzlich willkommen auf der Homepage der Pfadiabteilung St. Christophorus Siders.
Hier könnt hier Informationen einholen über die Abteilung und Ihre Struktur, über geplante Anlässe oder Bilder von vergangenen Aktivitäten anschauen.
Wir wünschen euch beim Entdecken und Durchstöbern der Seite viel Spass.
Anregungen bzgl. der Homepage können gerne an uns weitergeleitet werden.
Mai 20
Am 2. Juni 2012 führt die 2. Stufe der Abteilung St. Christophorus einen Schnuppertag für Interessierte Jugendliche durch.
An diesem Tag können Mädchen und Jungen im Alter von 11 bis 16 Jahre erfahren was ein Pfadfinder ist sowie bei verschiedenen Aktivitäten mitmachen.
Interessierte können sich per e-mail unter info@st-christophorus-siders.ch oder unter folgender Telefonnummer anmelden: 077 419 75 45
Wir freuen uns auf neue Mitglieder
Mrz 22
Diz Jahr wills eifach nid mit dem Roverschlittle… Aber äs git ja zum Glick no gnüeg Winter!
Da wier bi allne Datum relativ wenig si isch der Üfwand fascht z’gross. Darum schlat d’Shizuka (Sandra) vor, dass wier nummu das traditionelli Fondue im Lokal durchfiäre.
Der Abend findet jezu am 31. März am 19.00 Uhr im Lokal statt. Die wa verlicht kei Luscht heind kä uf z’schlittle aber wohl ufs Fondue chenund schich gäru zuesätzlich no amälde under dum neue Doodle.
Wünsche no än schöni Wucha und bis am 31.03.2012.
Mrz 04
Hallo zäme
Fer du Samstag heind schich schlussendli 5 Persone agmälde und wier hei gfundu, dass wier lieber nomal äs Datum süeche wa mee chenti mitmache.
Fer das heiwer än doodle gmacht mit de verbliebende Date fam März. Somit chenne wer üsfindig mache wells Datum am beschte passt.
Wier hoffe, dass wers doch no schaffe mit ener Equipa mit de Schlittu ins Tal emab z’gleite.
Tiet doch grad bis am Donschtag via der Link eiwi megliche Date agä. Die Details folgend de entsprächend.
Merci
Feb 26
Äs isch wieder sowiit.
Am Samschtag 03.03.2012 gits wieder äs Nachtschlittle mit anschliessendem z’Nacht. Der Patrick het Meglichkeit ufer Belalp abgiklärt und äs passt alles.
Die genaue Details wärdent am Friitag no durchgigä. D’Idee isch zäme ca. ze 4e ab Siders mit äs paar Auto nach Blatte bi Naters z’fahre und de zerscht äs paar Abfahrte mit dum Schlittu z’mache. Aschliessend gewer zäme in Blatte bi Naters ga z’Nacht ässe.
Mit dum Link chened ier che grad im Doodle amälde vorallem eu damit wier im Restaurant än Tisch chenne reserviere.
Also mäldet che schnäll a.
Feb 07
Hallo zäme
Leider miesse wiär z’Schlittle fam 11. Februar verschiebe.
z’Nachtschlittle in Montana und Vercorin isch nur mit der Skischüel meglich. Der Patrick klärt no andri Destinatione iner Umgebig ab und git so gschnäll wie megli bscheid.
In der Zwischeziit schlä wier folgendes Datum als Alternative vor:
Samstag, 3. März 2012 (bitte grad sofort iner Agenda vermerke!!!)
Wier welle aber doch no epis im Februar abiete und schlä vor, dass wier isch trotzdem am Samschtag, 11. Februar träffe und zwar im Lokal fer än gmietli Abe an ischer Roverbar.
Falls jemand Unterhaltig will mitnä in Form fa Müsig oder Spili, chad er das gäru mache. Die Bar isch ab dum 8ti am Abe offe.
Zudem brüche wier wieder friwilligi wa eis fa de negschte Roveraktivitäte fer der Monat April, Mai oder Juni will ubernä. Bitte mäldet che grad bi mier.
Lg & bis am Samstag Häxji
Jan 08
Hallo zäme
Ischers Neujahrsapéro isch eu scho widär durch und am Lagerfiir heiwer än tolli Stimmig kä. Nomal äs grosses Merci anu Martin und anu Dirk fer z’organisiere. Fotos wärdund schpeter no ufer Homepage veröffentlicht.
Am Lagerfiir heiwer eu bereits die negschti Aktivität bisproche und das isch z’Nachtschlittle. Äs chund entweder der Samschtag 04.02. oder 11.02.2012 in Frag. Da in der Ziit eu viil mit Fasnächte läuft welle wier grad fa eiw wissu wells Datum am beschte passt. Bitte tiet doch grad z’doodle üsfille damit wier äs Datum chenne bestimme.
Wo’s stattfindet isch no nid sicher. Der Patrick lüegt emal in Aminona aber wenn ier eu än Vorschlag heid, de mäldet das grad via Kommentar. Äs müess halt eifach meglich si fer am Abe z’schlittle.
Dez 27
Bald isches wieder sowit mit der negschte Roveraktivität. Die wird diz mal fam Martin und fam Dirk organisiert
Am 06. Januar 2012 gits isches jährlichs Neujahrsapéro. Wie immer fiire wier das am Rottuport mit eme Lagerviir. Ziit: 20.00 Uhr
!!Diz Jahr wird die Roverkassa folgendes offeriere:
GLÜEHWII zum astosse SCHLANGEBROT zum sälber bache am Lagerfiir CERVELAT fer jedes als Vorspiiis (Häuptspiis if uf eigeni Rächnig 
SCHOGGOLABANANE zum goldige Abschluss
Bitte mälded che via Doodle fer das Apéro a. Wenn ier sälber no epis welled offeriere oder mitnämed, de tiet das grad under du Kommentar vermerke damit nid alli z’glicha mitnämend.
Via dum Link chened ier eiw im Doodle amälde! Bitte mäched das bis am Mittwuch 04.01.2012.
Also bis am 06.01.2012.
Dez 27
Am 06.12.2011 isch traditionell der Nikolausabe fa der Saskia, Fabienne und Heidi (Tel.) organisiert worde. Die Organisation sowie der Abe sind wieder flott verlufe und ziitlich siwer tiptop im Rahme giblibe.
Diz Jahr heiwer 29 Familine kä. Underwägs sind gsi: 6 Nikoläuse 7 Schmutzlini 6 Fahrer
Wie jedes Jahr hets nach dum Nikolausbsüäch im Lokal äs Apéro gigä mit anschliessender Spaghetti Bolognese.
Ischi Chuchibrigade (Dirk und Patrick) heind äs feins Z’Nacht ufu Tisch gizäubrud und wier hoffe, dass isch die Liit eu wieder fer z’negsch Jahr zer Verfiegig ständ.
Wie welle hiermit allne merci säge wa isch bi dem Alass gholfe heind und würdi isch natirli freue wenn wir z’negscht Jahr eu wieder soviel friiwilligi Hälfer berchäme.
Letzte Kommentare